Интер Мајами се пласираше во финалето на МЛС шампионатот, откако убедливо со 5:1 го победија Њујорк Сити со 5-1 во последниот натпревар од Источната конференција. Со овој триумф, Интер Мајами го освои пехарот за најдобриот тим во Источната конференција.
Уште на стартот од мечот, Интер Мајами покажа дека е подготвен за доминација, а серијата погодоци ја отвори Тедео Аљенде со голот во 14 минута. Девет минути подоцна, Жорди Алба центрираше, а повторно Аљенде, погоди во долниот лев агол за 2-0.
Надежта за Њујорк Сити се врати во 37 минута кога Џастин Хак намали на 2:1. Сепак, во второто полувреме, целосна доминација имаше Интер Мајами. Во 67-мата минута, Лионел Меси го пронајде Матео Силвети кој огоди за 3:1 за Интер. Во последните 10 минути тимот од Мајами постигна уште два гола и на крајот сосема заслужено се радуваа на трофејот наменет за најдобриот тим во Источната конференција.
На Интер Мајами сега му останува уште најголемиот предизвик, а тоа е големото финале каде ќе игра против Ванкувер Випкепс кој е најдобар тим на Западната конференција. Во финалето на Западната конференција, Ванкувер со 3:1 го победи тимот на Сан Диего. Најпозната ѕвезда во тимот на Ванкувер е ветеранот Томас Милер.
