Навивачите на Пари Сен Жермен жестоко негодуваат и бараат оставки од целото раководство на клубот, а според свирежите и скандирањата, се изјаснија и за бркање на Меси и Нејмар од ПСЖ.
Меси кој сам има освоено повеќе трофеи од клубот ПСЖ, летоска беше донесен како супер засилување, но тешко се снаоѓа во новата средина, а попладнево дочека и да биде исвиркан од своите навивачи.
Од свирежи и навреди куртули само Мбапе, а тој и денеска против Бордо даде гол, оној првиот во победата од 3-0.
Нејмар и во минатото беше мета на фановите, но сега тие се убедени дека Бразилецот треба да биде продаден. Нејмар како и Меси, беа исвиркани при секој контакт со топката, а дури и откако даде гол за 2-0, наместо аплауз, Нејмар доби свирежи. Неверојатно!
je suis mort de rire le speakeur j’ai l’impression il insiste pour encore plus couler Neymar #PSGFCGB pic.twitter.com/zkpRPph2X0
— OJD (@neufcinq9) March 13, 2022
