Мечевите од деветото коло во јужноамериканските квалификации за пласман на Светското првенство во 2026 година ќе бидат најинтересни на „ноќното мени“. Актуелниот светски првак Аргентина гостува кај Венецуела, а добра вест за Гаучосите е тоа што во составот се враќа капитенот Лионел Меси.
„Меси е добро. одигра неколку натпревари за својот клуб. Тренира со тимот и ќе биде на теренот за дуелот против Венецуела које незгоден ривал. Неизвесно е дали за настап ќе биде подготвен Мекалистер“, рече селекторот на Аргентина, Лионел Скалони.
Освен овој меч, вечерва ќе се одиграат уште три дуели. Бразил ќе гостува кај Чиле, а петкратниот светски првак е во незавидна ситуација. По осум одиграни мечеви, Бразил е дури на петото место и има четири порази во последните пет квалификациски дуели.
Ако продолжи во овој лош ритам, на Бразил му се заканува дебакл и опасност прв пат во историјата да не обезбеди место на завршница на Светско првенство. Кариоките се единствената селекција во историјата на фудбалот која била дел од сите досегашни Миндијали.
