Селекторот на фудбалската репрезентација на Македонија, Благоја Милевски, се одлучи да повика 26-мина фудбалери за натпреварите против Саудиска Арабија и Лихтенштајн.
На списокот има двајца дебитанти, Решат Рамадани од екипата на Шкендија, како и Елмин Растодер од швајцарскиот Тун.
Македонија во септемврискиот прозорец најпрво ќе одигра пријателски меч против Саудиска Арабија во четврток во Чешка, а во недела во Скопје ни гостува Лихтенштајн во меч од квалификациите за пласман на Светското првенство 2026.
