Се очекуваше домаќините да издоминираат во четирите натпревари од НБА лигата кои се играа ноќеска, и така се случи.
Имавме изготвено комбинација со вкупна квота од 14.75 и победи на Клиперс, Мемфис, Филаделфија, како и Милвоки да постигне повеќе од 120 поени во мечот против Сан Антонио, но за жал Бакси не го исполнија условот за надминување на границата во поени. Елените триумфираа со 120:113, и така заостанаа половина кош за да имаме добитна комбинација во Полноќниот експрес.
Јанис Адетокумбо брилјираше со 26 поени, но и 15 асистенции што е рекорд во неговата кариера, предводејќи ја екипата до шеста последователна победа со која Милвоки го одржи чекорот со водечките Филаделфија и Бруклин во Источната конференција.
https://twitter.com/NBA/status/1373483136575799300
Пол Џорџ и Кавај Ленрад комбинираа 38 поени во победата на Клиперс против Шарлот со убедливи 125:98, додека Мемфис беше подобар од Голден стејт со 111:103.
Сигурен триумф оствари Филаделфија против Сакраменто со 129:105, меч во кој Сиксерси доминираа уште во првото полувреме, а до победата ги предводеше одличниот Херис со дабл-дабл од 29 поени, 11 скока и 8 асистенции.
29 points for Tobias.
29 wins for the @sixers.@tobias31: 11 REB, 8 AST, 2 STL pic.twitter.com/CGTajcyYNN— NBA (@NBA) March 21, 2021
