Рома ја оствари првата победа во Лигата на Европа оваа сезона откако во третото коло го совлада Динамо Киев на „Олимпико“ со 1-0. Артем Довбик од пенал беше стрелец на единствениот гол за италијанскиот тим во 24-тата минута.
Ајнтрахт Франкфурт исто така минимално славеше против РФС Рига со 1-0. Хуго Ларсон во 79-тата минута му донесе триумф на германскиот бундеслигаш.
Ајакс беше многу поубедлив на гостувањето во Азербејџан против Карабах откако победи со 0-3. Тејлор, Вегорст и Акпом беа стрелци за холандскиот гигант, а ривалот мечот го заврши со деветмина играчи поради два црвени картони.
ПАОК на „Тумба“ одигра 2-2 против Плзењ, а Ференцварош ја совлада Ница на домашен терен со 1-0, со автоголот на Бомбито.
Реал Сосиедад стигна до победа од 1-2 против Макаби Тел Авив, а Митјиланд славеше против Унион Сен Жил со 1-0.
