Карен Ендрјуз, министерската за внатрешни работи на Австралија, потврди дека со укинувањето на визата за Новак Ѓоковиќ следува и забрана за влез на најдобриот светски тенисер во оваа земја во слдните три години.
Тоа би значело дека Ѓоковиќ ако не се смени нешто, нема да игра и на следните три изданија на гренслем-турнирот на кој е рекордер со 9 титули.
Во изјава во утринската програма на „Австралија денес“, Ендрјуз изјави дека во иднина сепак постои можност на Ѓоковиќ да му се дозволи влез во земјата, но откако ќе мине казната од три години.
"The three-year ban does apply, but it can be dealt with at some stage in the future"
Home Affairs Minister @KarenAndrewsMP on rules meaning deported tennis star Novak Djokovic can't return to Australia until 2025. pic.twitter.com/Hzii6Vqltq
— Sunrise (@sunriseon7) January 16, 2022
Ѓоковиќ ја загуби битката со Владата на Австралија откако Федералниот суд со едногласна одлука на тројца судии го потврди поништувањето на визата за влез во земјата што ја донесе Имиграциското биро.
Целата сага со најдобриот светски тенисер беше мачна и траеше цели 11 дена, а на крајот Новак беше депортиран и мораше да си замине од Австралија без можност за настап на Отвореното првенство на Австралија и да атакува на јубилејната 10-та круна во Мелбурн и рекордна 21-ва на гренслем-турнирите.
Турнирот почна ноќеска, а само Рафаел Надал од триото со Ѓоковиќ и Роџер Федерер коишто имаат по 20 гренслем-титули игра во Мелбурн и има шанса за рекорд.