Младиот Велшанец Џексон Пејџ успеа да стане првиот играч во историјата на снукерот кој успеал да направи два максимални брејка во еден меч. Многу светски снукер ѕвезди во текот на целата кариера може да не направат ниту еден максимален брејк (освојување на 147 поени), а младиот Велшанец тоа го направи двапати, и тоа во еден натпревар.
Во дуелот против Ален Тејлор, Велшанецот немаше никакви проблеми и на крајот славеше со 10:2. Ова беше меч од второто квалификациско коло на најголемиот снукер турнир, Светското пренство.
За направените два брејка со по 147 поени, Пејџ доби финансиски бонус од 147.000 фунти. Тоа што го направи Пејџ не е видено никогаш претходно од 1927 година, кога започнува одржувањето на професионалните снукер турнири.
