ДомаМеѓународен фудбалБалкан
ФудбалМеѓународен фудбалБалкан

Драма над драмите, во Фенер плачеа од радост во 95-тата, па од тага во 101-вата минута (Видео)

Златко Јуруковски
Златко Јуруковски
1636

Фенербахче и Касимпаша одиграа 1-1 во неверојатен натпревар од турската фудбалска Суперлига.

На Фенер му требаше победа за да се изедначи по бројот на бодови со лидерот Галатасарај, кој киксира и загуби викендов. Фаворитот долго се мачеше, а конечно во петтата минута од судиското продолжение, Марко Асенсио даде спектакуларен гол за огромна радост.

Касимпаша од 93-тата минута беше со човек помалку на теренот, а судијата покажа осум минути продолжение, кои мораа да бидат повеќе поради голот, славењето и прегледувањето на снимката.

Во 101-вата минута гостите дадоа гол, Гендузи „заспа“ и Едерсон беше совладан. Тотален шок имаше на лицата на играчите на Фенербахче и неговите навивачи, а радост за Касимпаша, но и за Галатасарај, кој остана прв со два бода повеќе од лутиот ривал.

- Оглас -

Најнови вести

Вчитај повеќе