Лука Модриќ беше искрен пред реваншот со Ајакс утре на „Сантијаго Бернабеу“ и вели дека на Реал многу му недостасува Кристијано Роналдо.
„Мислам дека Роналдо би му недостасувал на секој тим на светот. Да се најде замена за таков играч, речиси е невозможно. Тешка мисија е да најдете играч што ќе дава по 50 и повеќе голови во сезона, а тоа Кристијано го правеше со невидена леснотија“, вели Модриќ.
Реал добро „вози“ во Лигата на шампионите и има предност од 2-1 против Ајакс пред реваншот во осминафиналето, но на домашна сцена не му оди добро.
Двапати по ред загуби од Барселона, титулата во Ла Лига е речиси недостижна, а и во Купот испадна, па можно е по подолг период да остане без трофеј.
