Монако тргна во амбициозен напад по потписот на Мауро Икарди. Италијанските медиуми тврдат дека во таборот на Интер стигна понуда од 65 милиони евра, плус бонуси за услугите на аргентинскиот голгетер, а Кнезовите му нудат плата од 12 милиони евра годишно.
Францускиот првак од 2017 година со побогата понуда му конкурира на Наполи, кој, пак, претходно му гарантираше годишна плата на Икарди од 9 милиони евра, вклучувајќи ги и бонусите.
Интер нема ништо против да го пушти Икарди да си замине од Италија, но останува фудбалерот да одлучи дали сака да игра за тим кој оваа сезона нема да настапи во Лигата на шампионите.
