Точно на пладне во Нион треба да започне ждрепката за четвртфиналето од Лигата на шампионите. Ајакс, Порто, Манчестер јунајтед, Јувентус, Ливерпул и Барселона се клубови кои во своите витрини најмалку по двапати го имаат освојувано највредниот трофеј во фудбалска Европа. Манчестер сити и Тотенхем се двата англиски премиерлигаши кои не играле ниту во финале на ЛШ.
Иако остануваат уште неколку часа до ждрепката, на интернет се појави фотографија според која веќе УЕФА ги знае двојките за во четвртфиналето. Според тој документ кој е фотографиран, во четвртфиналето ќе играат: Ливерпул – Ајакс, Јувентус – Порто, Манчестер јунајтед – Тотенхем и Барселона – Манчестер сити. Сепак, не е потврдено колку овој документ е автентичен.
Останува да дојде вистинското време на ждрепката и да се види дали и колку оваа фотографија може да ги предвиди четвртфиналните парови во елитната лига на УЕФА. Инаку оваа ждрепка ќе биде прва на која ќе бидат познати четвртфиналните, а потоа и можните полуфинални двојки.
