Статуата на Златан Ибрахимовиќ во Малме очигледно дека нема да може да остане цела. Неполни два месеци откако беше постаена, а Ибрахимовиќ пречекан како херој, Златан направи потег кој ги разлути фановите на Малме.
Легендарниот шведски напаѓач минатиот месец откри дека купил акции во Хамaрби, кој е голем ривал на Малме. На тој начин, Златан го навлече гневот кај фановите на Малме, кои веднаш започнаа акција да се отстрани статуата.
Фановите неколку пати протестираа, па дури и ја запалија статуата, а сега има нов вандалски чин. Засега непознат сторител, успеал да го откине носот од статуата на Ибрахимовиќ.
