Светското првенство во Катар ќе биде шанса за многу фудбалери првпат да ја почувствуваат магијата на најважниот планетарен фудбалски собир. Еден од оние кои во последниве четири години имаше одличен фудбалски напредок и сосема заслужено го доби местото во репрезентацијата на Англија е Џек Грилиш.
Ѕвездата на Манчестер сити преку социјалните мрежи постираше видео на кое покажува како од најмали нозе сонувал за репрезентативниот дрес на Англија, а сега ќе ги брани боите на Гордиот Албион на Мундијалот во Катар.
„Сонот ми се оствари. Јас сум само дете од Солихул кое ќе оди на Светското првенство со Англија. Се сеќавам дека бегав од училиште за да го гледам мечот на Англија против Бразил во 2002 година. Тоа е моето прво Светско првенство на кое се сеќавам. Кога ќе помислам дека 20 години подоцна јас ќе играм на Мундијалот, ме прави пресреќен“, напиша Грилиш во пораката на која имаше голем број негови фотографии од детството.
Dream come true. I’m just a kid from Solihull who’s going to a World Cup with England. I remember going into school early to watch England vs Brazil in 2002, my first ever World Cup I can remember… to think 20 years later I’d be playing at one blows my mind… pic.twitter.com/6UR5pu8nZ2
— Jack Grealish (@JackGrealish) November 10, 2022
