Капитенот на Барселона Лионел Меси, не ја обнови повредата на листот од десната нога и продолжува со процесот на рехабилитација со цел да биде подготвен за претстојниот викенд. Ова го тврди каталонскиот медиум „Мундо депортиво“, кој го пренесе демантот на лекарскиот тим на шпанскиот првак.
Меси продолжува да тренира настрана од тимот и врши напори да биде подготвен за гостувањето во Памплона, каде што Барса ќе атакува на нови бодови против Осасуна. Единствениот начин Аргентинецот да не запише сезонско деби е доколку Ернесто Валверде одлучи да не ризикува со него, а сето тоа ќе се утврди со прегледите за физичка подготвеност.
Во случај Меси да не биде целосно подготвен, клубот нема да го форсира и ќе му даде време колку што е потребно да ја поврати формата.
Buenas noticias : Los servicios médicos del Barcelona NIEGAN ROTUNDAMENTE que Leo Messi haya sufrido una recaída y que esté un mes más de baja. De hecho ayer ni siquiera entrenó y lo hizo en el gimnasio . No hay recaída
— Alfredo Martínez (@Alfremartinezz) August 28, 2019
