Жозе Мурињо призна дека направил грешка што не ги почитувал мерките против ширење на Коронавирусот. Денес Португалецот и уште тројца играчи на Тотенхем беа фатени на дело како тренираат во парк во Лондон, притоа не одржувајќи го потребното растојание меѓу нив.
„Признавам дека моите постапки не беа во согласност со протоколот на надлежните и дека можеме да бидеме во контакт само со членови од сопствените домови. Потребно е сите да ја одиграме својата улога во оваа битка и да ги следиме советите на надлежните со цел да им ја олесниме работата на нашите херои во здравствените установи“, изјави Мурињо за Би-би-си.
