Жозе Мурињо првпат во кариерата го победи Реал Мадрид, а имаше што да им каже и на своите ученици Алваро Арбелоа и Дин Хаусен.
„Се извинив за прославата, но Алваро е фудбалски човек и сфати дека во тој момент забораваш сè. Ми рече да не се грижам за тоа“, рече Мурињо.
Тој разговарал и со Дин Хаусен во тунелот.
„Дин беше мој играч во Рома. Тој е пријател на моите синови. Нашите семејства се познаваат добро и имам многу добар однос со него. Разговаравме за натпреварот. Момчето беше разочарано, но му кажав дека имале среќа што изгубија само со два гола разлика. Можеше да биде и повеќе“, откри Специјалниот.
