МЗТ Скопје Аеродром дури во третиот лигашки меѓусебен дуел сезонава за првпат успеа да го победи Пелистер. Вечерва во „Јане Сандански“, актуелниот првак беше подобар од битолчани со 95-76 и сега двата тима се израмнети на делба на првата позиција.
Немаше никаква неизвесност, МЗТ доминираше уште од првата четвртина, Штрковите имаа повеќе расположени поединци, домашните ја зголемуваа разликата, а во финишот гостите само избегнаа дебакл. Во првото полувреме имаше и инцидент, кога една група се обиде физички да се пресмета со гостинските фанови, по што ја напуштија салата.
Гостивар го победи ТФТ со 92-85 и сега овие два тима имаат еднаков број бодови и се наоѓаат на четвртото и петтото место, а имаат бод плус во однос на Феникс 2010.