ТФТ Скопје против Еуро Никел и Чаир во пресметка со МЗТ Скопје Аеродром се двата меча кои вечерва ќе се играта во рамките од 20 коло на Прва кошаркарска лига на Македонија.
Актуелниот шампион МЗТ Скопје досега три пати има играно против Чаир и во сите три дуели аеродромци победувале убедливо со над 30 поени разлика. Сепак, чаирчани веруваат дека може да направат подвиг посебно ако се знае дека играат на свој терен, каде сезонава имаат биланс од осум победи и само еден пораз, тој од Еуро Никел.
МЗТ веќе нема право на грешка, ако сака да остане во трка за првото место на табелата, па ќе биде интересен дуелот во Чаир.
Вистинско дерби се очекува да биде дуелот меѓу ТФТ и Еуро Никел. Традицијата вели дека во последните 10 меча на овие два тима, по пет пати се радувале и ТФТ и кавадарчани.
