Кошаркарите на МЗТ Скопје ја забележаа третата првенствена победа по ред, откако на домашен терен славеа над Кожув со 69-63. Актуелниот шампион на Македонија долго се мачеше, па откако го доби првиот период со 21-18, екипата од Гевгелија беше убедлива во втората четвртина со 22-14 и со водство од 35-40 заминаа на паузата.
Во второто полувреме следуваше далеку подобра игра на МЗТ Скопје, кој ја оправда фаворитската улога и му дозволи на противникот да постигне само 23 поени за 20 минути.
Возбудувања имаше и на мечот помеѓу Вардар и ТФТ, кој им припадна на гостите со само половина кош разлика, односно со 79-80. Двете екипи одиграа одличен меч, со многу пресврти, па водството постојано се менуваше, но на крајот ТФТ дојде до победа со која се искачи, барем привремено, на врвот од прволигашката табела.
