Кошаркарите на МЗТ Скопје Аеродром обезбедија пласман во финалето на Купот на Македонија, откако во полуфиналната пресметка лесно го добија Кожуф со 76-58.
Клучна беше втората четвртина која МЗТ Скопје ја доби убедливо, со 26-10, а ривалот од Гевгелија немаше сили да возврати во продолжение од дуелот.
Кожуф симболично го доби последниот период со 17-16, но разликата беше убедливо на страната на МЗТ Скопје, кој во финалето ќе го очекува подобриот од дуелот меѓу ТФТ и Куманово.
Најефикасен кај МЗТ беше Смит Мексвејн со 12 поени, додека Магдевски и Дамјан Стојановски запишаа по 10 поени. На спротивната страна, Кузманов запиша 15 поени и 10 скокови.
