Најстариот тренер во историјата на Премиер лигата, Рој Хоџсон, нема да биде повеќе дел од Кристал палас откако клубот денес му врачи отказ. На 76-годишниот стратег му се слошило на денешниот тренинг, но од раководството на клубот велат дека отказот е поради лошите резултати, а не поради влошената здравствена состојба на искусниот стратег.
Од Кристал палас информираа дека е откажана и редовната прес-конференција, а играчите и персоналот во клубот се вознемирени од денешната случка.
Раководството веднаш реагираше и на негово место го постави Австриецот Оливер Глазнер, кој во 2022 година дојде до трофејот од Лигата на Европа со екипата на Ајнтрахт Франкфурт.
