Манчестер јунајтед со 3:1 го победи Фулам и се пласира во полуфиналето на ФА купот, во меч кој имаше неверојатен расплет. Фулам водеше со 1:0, кога по една акција на Манчестер, Вилијам со рака спаси гол, но ВАР-системот тоа го забележа и му даде црвен картон на играчот на Фулам, а Манчестер јунајтед доби пенал.
Фрустриран поради оваа одлука на судијата, Александар Митровиќ го оттурна главниот судија, а Србинот за овој потег доби директен црвен картон. Агресивниот играч на Фулам продолжи со испадот и сега му се заканува голема суспензија.
https://twitter.com/i/status/1637518228577562624
Испадот на Митровиќ е за осуда и треба да добие казна, но дел од британските медиуми направија споредба за тоа како неодамна токму играчот на Манчестер јунајтед, Бруно Фернандеш, имаше сличен испад, но не доби никаква казна.
Португалецот од Манчестер нервозен го турна помошниот судија покрај аут-линијата, но тој воопшто не му сигнализира на главниот арбитер дека треба да има казна за Фернандеш. Во Англија е најстрого забрането фудбалерите да имаат физички контакт со делителите на правдата.
Spot the difference. pic.twitter.com/J6CrA9ZNkr
— Sunday League Hipster (@HipsterManager) March 19, 2023
