Реал Мадрид му дозволи на Каземиро да си замине и да биде нов играч на Манчестер јунајтед, и иако Кралевите признаваат дека многу ќе им недостасува таков профил на играч, сепак немаат намера да бараат замена за него до крајот на ова лето.
Тоа би значело дека Реал нема да купи фудбалер до 31. август што би бил алтернатива на извонредниот дефанзивен играч за врска, еден од најдобрите на светот на таа позиција.
Кралскиот клуб ќе заработи одлично од продажбата на 30-годишниот Бразилец и вкупниот трансфер ќе им донесе 70 милиони евра, од кои 60 милиони евра веднаш и плус 10 милиони во бонуси.
Каземиро треба да потпише четиригодишен договор со Манчестер јунајтед за годишна плата од околу 18 милиони евра.
