На сета мака по Шалке 04 удрија и ВАР и Хофенхајм (Видео)

Шалке 04 доживеа нов убедлив пораз во Бундеслигата, вечерва со 0:3 на домашен терен од Хофенхајм во премиерниот меч од десеттото коло во германското првенство.

Кризата е длабока кај 7-кратнито германски првак, а вечерва и Хофенхајм и ВАР системот удрија по тимот од Гелзенкирхен.

За Хофенхајм беа досудени два пенали и двата по прегледување на два спорни моменти, а одлуката на главниот судија Бадштубнер беше кобна за Шалке 04 и гостите изведуваа удари од белата точка во 11. и во 59. минута, а Данецот Сков беше немилосрден и прецизен.

Еден погодок постигна и Дабур за нови проблеми за Шалке 04, клуб кој е еден од најголемите фудбалски симболи на Германија.

https://twitter.com/Sp0rtsmedia/status/1581011837054701569?s=20&t=COU44znTGzenNjptayvt1g

Тренерот Франк Крамер е пред отказ, откако со Шалке 04 освои само шест бода на 10 натпревари во Бундеслигата.

Против него имаше и тивок бунт од главните играчи на Шалке 04 предводени од калитенот Симон Тероде, а на фудбалерите им пречи старомодниот и премногу дефанзивен стил на игра.

Хофенхајм со шесттата победа во германското првенство се проби на третата позиција на табелата со 17 бода, зад лидерот Унион Берлин со 20 и Фрајбург со 18, но и со меч повеќе.