Рафаел Надал, најтрофејниот тенисер во историјата на гренслем-турнирите, ги дозна резултатите од лекарскиот преглед и било констатирано дека има пукнат мускул во стомакот.
Шпанскиот тенисер се жали на болки во стомакот уште од осминафиналниот дуел, а со такви болки играше и во четвртфиналето кое го доби по исцрпувачка борба со 3:2 во сетови и речиси четири и пол часа игра против Фриц.
Надал утрово најави дека бил советуван дури и да го предаде мечот против Фриц, но успеал да ги издржи болките и на крајот да победи. Следен ривал на Рафа треба да биде Ник Кирјос, кој првпат игра во едно полуфинале на гренслем.
Докторите потврдиле дека Надал во стомакот има дупка (напукнатина) од 7 милиметри и дека ќе биде ризично да игра. И покрај сите болки и лоши вести од лекарите, Надал најави дека ќе се обиде утре да биде на теренот и да се бори за пласман во финалето на Вимблдон.
https://t.co/o5mLuWy4s8 Rafael Nadal injury update as Wimbledon star hides from spotlight on practice courts https://t.co/gzozuAmpYT #News pic.twitter.com/zAhVWgVSPI
— Don Shelby (@DonShelbyUK) July 7, 2022
