Рафаел Надал немаше милост во мечот против Јаник Ханфман од Германија. Кваификантот не можеше во ниту еден момент да држи ритам со Надал. Шпанецот во првиот сет беше подобар со 6:2, вториот го доби уште поубедливо со 6:1, а во третиот ја заврши работата со 6:3 и за помалку од два часа се пласираше во второто коло.
Првото поголемо изненадување на женскиот дел од турнирот е елиминацијата на некогашната најдобра тенисерка Каролина Вознијацки. Данската тенисерка беше елиминирана од Вероника Кудерметова од Русија, иако првиот сет го доби Каролина Вознијацки со убедливо 6:0.
Во продолжение од мечот, Кудерметова заигра многу подобро и ги доби следните два сета со по 6:3 и се пласираше во второто коло.
