Рафаел Надал се намачи, но на крајот го победи сонародникот Фелицијано Лопес во меч од четвртфиналето на АТП турнирот во Париз. Шпанецот кој зад себе има 20 гренслем-титули, имаше посебен мотив за славење по денешната победа. Ова беше јубилејна 1.000-та победа за Надал во кариерата.
Иако беше голем фаворит пред мечот, популарниот Рафа се намачи и мораше да одигра повеќе од два и пол часа против Лопес, кој го доби првиот сет со 6:4. Во вториот сет двајцата тенисери беа сигурни на свој сервис, па се играше тај-брејк, кој го доби Надал со 7:5.
Дури во третиот сет Надал успеа да земе гејм на сервис на противникот. Фаворитот поведе со 2:0 во гејмови и до крајот успеа да ја задржи предноста за конечни 6:4 во решавачкиот трет сет.
