Најбогатиот Англичанец според Форбс, Џим Ретклиф, доби дозвола од француското биро за конкуренција да го преземе прволигашот Ница откако им префрли на досегашните сопственици 100 милиони евра, што е рекорд при купопродажба на француски клуб.
Досегашните сопственици Чиен Ли, Алекс Женг и Пол Конвеј одлучија да го продадат клубот што го купија во 2016 година.
Ретклиф тежи над 24 милијарди евра, а најави дека Ница ќе биде стабилен клуб што ќе атакува на највисоки цели. Од него побогати сопственици во моментов во францускиот фудбал се само шеиците од ПСЖ, „Катар спортс инвестмент“, и Франсоа Пино, кој е сопственик на Рен.
