Во дуелот на двете најдобри екипи на Истокот, Бостон селтикс на гостински терен убедливо со 140:99 го победи Милвоки бакс и на тој начин му го загрозува првото место. Милвоки сега има 55 победи и 22 порази, а Бостон е втор со 53 триумфи и 24 порази, а до крајот на регуларниот дел има пет кола.
Само на почетокот на дербито беше неизвесно, а Милвоки последен пат водеше со 21:20. Потоа следуваше серија на гостите од 7:0, а Бостон до крајот на првата четвртина поведе со осум разлика (34:26). Пред крајот на првото полувреме, предноста на гостите беше зголемена на 22 поени (52:30), а темпото на Бостон не сопре до крајот на дуелот, па Милвоки претрпе катастрофа и дома загуби со 41 разлика.
Џејсон Татум со 40 поени беше најдобар во победничкиот тим, а Браун додаде 30 поени за Бостон. Кај Милвоки најпрецизен беше Јанис Адетокумбо со 24 поени.
Висок пораз претрпе и најдобриот тим во Западната конференција, Денвер нагетс. Без својот најдобар играч, Никола Јокиќ немаше сила да се спротистави на Њу орлеанс, па гостите на крајот беа подобри со 107:88.
Брендон Инграм беше незадржлив и најзаслужен за победа на Њу Орлеанс, а на крајот средбата ја заврши со трипл-дабл, односно со 31 поен, 11 скока и 10 асистенции. Денвер останува најдобар на Западот со три победи повеќе од второпласираниот Мемфис.
