Абу Дијаби, кој важи за фудбалер кој најчесто се повредувал, ја заврши кариерата иако има само 32 години. За 14 години во Оксер, Арсенал и Олимпик Марсеј, тој одигра 208 меча, но поради разни повреди, пропушти дури 314 натпревари. Со 60 проценти изостаноци од официјалните мечеви со лекарска потврда, Диајби е светски рекордер по бројот на отсуства поради повреди.
„Стаклените“ колена и глуждови го спречија Дијаби да игра повеќе, а последниот меч го одигра пред две сезони. Трипати беше на сериозни операции, од кои најтешката беше онаа на скинатите вкрстени лигменти на коленото. Тоа е болна повреда која бара пауза од минимум 6-7 месеци.
Кариерата ја почна во Оксер, каде што покажа дека е голем талент, па беше ангажиран од Арсенал. Кај „топчиите“ остана девет сезони, но почесто беше на рехабилитација отколку на терен, а во летото 2015 премина во Марсеј, но играше само на пет меча.
Арсенал преку социјалните мрежи му се заблагодари на Французинот за придонесот кој го дал во нивниот дрес.
