Кошаркарите на Вашингтон ја прекинаа серија од 16 порази по ред и конечно победија. „Магионичарите“ на домашен терен беа подобри од Шарлот со 112-100, во меч во кој направија пресврт во последната четвртина во која постигнаа дури 44 поени, наспроти 24-те на гостите.
Со тоа дојдоа до 10-тата победа оваа сезона, но немаат никакви шанси да појдат до разигрувањето.
Најголеми возбудувања имаше на мечот во Лос Анџелес, каде Лејкерс за само половина кош беа подобри од Милвоки. „Езерџиите“ на крајот победија со 123-122, благодарение на 44-те поени кои ги уфрли Расел. Јанис дојде до трипл-дабл ефект, но и тоа не беше доволно за победа на Милвоки. Грчкиот интернационалец уфрли 34 поени, на кои додаде 14 скока и 12 асистенции.
Резултати:
Филаделфија – Њу Орлеанс 95-103
Вашингтон – Шарлот 112-100
Кливленд – Минесота 113-104 (97-97)
Њујорк – Орландо 98-74
Мемфис – Атланта 92-99
Оклахома – Мајами 107-100
ЛА Лејкерс – Милвоки 123-122
Портланд – Хјустон 107-123
