Наполи го направи Кулибали недопирлив: Не треба воопшто да му кажуваме дека не може да оди во Јувентус

Директорот на Наполи, Кристијано Џунтоли вели дека Калиду Кулибали има статус на недопирлив и дека клубот нема да му дозволи да си замине, особено не во Јувентус, а за Сенегалецот подготвуваат и посебно изненадување.

„Не треба воопшто да му кажуваме на Кулибали дека нема да го продадеме,особено не на Јувентус. Калиду е недопирлив и за него подготвуваме специјален капитенски пакет и сакаме да остане“, изјави Џунтоли.

https://twitter.com/FabrizioRomano/status/1545830728360935424?s=20&t=rhKV2yMVVy45M60TGuUadQ

Кулибали е долго во Наполи, пристигна во Неапол во 2014 година од белгиски Генк и е еден од симболите на калчолигашот.

Џунтоли објави дека Наполи сака да ги задржи и Дријс Мертенс и Фабијан Руиз, кои сакаат да си заминат, исто како Кулибали.

Во италијанските медиуми се појави информација дека и Елиф Елмас може да си замине од клубот веќе ова лето, а заинтересиран за македонскиот репрезентативец е актуелниот првак на Италија, Милан.