Италијанскиот првак Милан е во потрага по засилувања со кои во следната сезона ќе се обиде да ја одбрани титулата во Серија А и да има достоен настап во Лигата на шампиони. Како еден од потенцијалните нови играчи на Росонерите се споменува македонскиот репрезентативец Елиф Елмас.
Според турските медиуми, Милан е подготвен да понуди дури 35 милиони евра на Наполи, за да го откупи договорот на Елмас. Ако се случи овој трансфер, на сметката на Фенербахче ќе „легнат“ 1,5 милиони евра како претходен клуб во кој настапувал офанзивниот играч.
🚨🚨🚨 “Milan, Eljif Elmas için Napoli’ye 35.000.000€ üzerinde bir para teklif edecek. Transfer gerçekleşir ise Fenerbahçe 1.500.000€ kazanacak.”
📌 Sözcü
— Fener Actual (@FenerActual) July 7, 2022
Елмас во Наполи помина три сезони, но очигледно дека е незадоволен од минутажата која ја добива. За Наполитанците одигра 126 меча во сите натпреварувања, а постигна 11 погодоци. Пред да ја почне интернационалната кариера, Елмас две години играше за Работнички.
