Наполи планира повторно да започне преговори со крилниот напаѓач Хвича Кварацхелија за време на паузата за натпреварите на националните тимови. Клубот од Неапол сака да го задржи својот играч на подолг период и да го обврзе со нов договор.
Разговорите се веќе во тек и се очекува да продолжат и во следните денови, а за нив е одговорен спортскиот директор на Наполи, Џовани Мана.
Иако Кварацхелија има важечки договор со клубот до 2027 година, Наполи сака што поскоро да ја осигури неговата иднина за да избегне слична ситуација како онаа со Виктор Осимен. Клубот сака да биде сигурен дека грузискиот репрезентативец ќе биде во срцето на проектот кој го гради во моментов и дека нема ненадејно да го напушти тимот.
Кварацхелија ја започна сезоната на одличен начин, постигнувајќи три гола и запишувајќи две асистенции на првите седум натпревари.
Наполи моментно е лидер на табелата во Серија А, со два бода предност пред Интер и три пред Јувентус, што го прави договорот со Кварацхелија уште поважен за долгорочните планови на клубот.
