Италијанскиот првак Наполи постигна договор со Ноа Ланг за личните услови на трансферот, објавија медиумите на Апенините. Италијанскиот клуб е блиску до целосен договор со ПСВ Ајндховен за крилниот напаѓач, со потенцијална трансферна сума од околу 28 милиони евра.
Подготвениот договор за холандскиот репрезентативец е на пет години, со плата од 2,5 милиони евра по сезона.
Наполи, кој сака да донесе двајца играчи на крилните позиции, има на радар и други фудбалери, Џејдон Санчо (Манчестер јунајтед), Федерико Кјеза (Ливерпул) и Дан Ндои (Болоња). Клубот преговара и со Болоња за дефанзивецот Сам Бојкема.
Во однос на нападот, Наполи продолжува да преговара со Ливерпул за Дарвин Нуњес. Цената е висока, околу 65 милиони евра, плус бонуси. Алтернатива е Лоренцо Лука од Удинезе, кој би чинел околу 35 милиони евра со бонуси. Се смета дека и самиот Нуњес ја преферира опцијата да игра за тимот на Антонио Конте.
