Лидерот на табелата во Серија А, Наполи, не успеа да победи на гостувањето кај Лацио, иако до такво нешто го делеа само неколку минути. Наполи до 87-мата минута имаше водство од 1-2, но домашните се спасија од пораз.
Лацио поведе преку Исаксен во шесттата минута, но Наполи направи пресврт со голот на Распадори и автоголот на Марушиќ. Голот за реми беше дело на Диа.
Наполи останува прв со 56 бода, два повеќе од Интер, кој треба да му гостува на Јувентус и со победа ќе се искачи на врвот од табелата.
