Српскиот напаѓач Александар Митровиќ би можело да стане виновник за развод на еден брачен пар од Лондон.
Навивач на Фулам се пожали дека неговата сопруга се налутила и му се заканува дека ќе го остави поради тоа што на заднината на телефонот веќе нема слика од нивната свадба, туку од Митровиќ.
„Бракот може и да се заврши, но Фулам останува за цел живот“, порача навивачот кој нема намера да го тргне Митровиќ од позадината на мобилниот, па останува да се види дали сопругата ќе му прости или ќе ја реализира заканата за развод.
Поддршка дојде и од клубот. Од Фулам му порачаа: „Таа не е вистинската“.
