Фанови на Наполи кои присуствувале во Удине на мечот на кој Наполи ја освои третата титула во Серија А, на интернет продаваат парчиња трева од теренот на „Дачија арена“ и тоа по неверојатно високи цени.
По завршувањето на мечот, кога стана јасно дека Наполи е нов првак на Италија, навивачите на овој клуб влегоа во терен, а многумина од нив за спомен си зедоа и по некое парче трева кое внимателно го ставаа во најлонски кеси.
Огласувачот вели дека „робата“ е нова, некористена и неоштетена, а минималната сума која ја бара е 100 евро, додека максималната, верувале или не, дури 700 евра, плус 5,99 евра за испорака.
Персоналот на стадионот „Диего Армандо Марадона“ во Неапол предвиди вакви можно ситуации и таму, па тревата беше покриена за време на групното следење на мечот Удинезе – Наполи.
