Навивачите бесни пред „Селтик парк“, бараат отказ за тренерот (видео)

Шкотскиот гигант Селтик претходно денес претрпе сензационален пораз од Рос Каунти со 0-2, односно беше елиминиран од Лига Купот на Шкотска уште во осминафиналната рунда.

Иако вториот најтрофеен шкотски клуб беше неприкосновен во земјата до неодамна, оваа сезона работите не сјаат, а навивачите вината ја бараат во тренерот Нил Ленон.

Имено, лутите фанови се собраа пред „Селтик парк“ каде што се играше средбата од Лига Купот, па скандираа барајќи отказ на Ленон.

https://twitter.com/RyanMetcalfe5/status/1333090092831928323

Инаку Селтик и во првенството не блеска како по обичај, има 11 бода помалку од лидерот Ренџерс по 15 кола, но Селтик има два меча помалку.