Навивачите на Барнли со нетрпение го очекуваат пристигнувањето на Дарко Чурлинов во клубот и се надеваат на реприза со македонскиот репрезентативец, кој лани му помогна на Шалке 04 да се врати во Бундеслигата.
Популарните Кларетс лани испаднаа од Премиер лигата и сакаат експресен камбек.
„Од навивачите на Шалке 04 и Штутгарт имаме информации дека се работи за одличен индивидуалец со врвна техника. Дури симпатизерите на Штутгарт се изненадени со ниската сума од 3,5 милиони евра што ја плативме за Чурлинов. Сите велат дека тој вреди најмалку 10 милини евра.
Тоа ќе ви го кажат и навивачите н Шалке 04 кои имаат супер спомени од ланската сезона со Чурлинов во тимот. Се надеваме дека и нам ќе ни помогне да се вратиме во Премиер лигата“, пишуваат навивачите на Барнли.
Чулинов вчера имаше медицински прегледи, а според англиските медиуми, веќе е разрешен и проблемот со визата, па македонскиот репрезентативец би требало веќе денеска да потпише за Барнли во трансфер вреден 3,5 милиони евра.
