Лотаријата за драфтот во НБА лигата што требаше да се одржи од 19. до 21. мај во Чикаго е одложена, објавија од НБА лигата.
Сезоната е прекината на 11. март поради пандемијата со Коронавирус и има уште натпревари што треба да се доиграат од регуларниот дел, па невозможно е да се одреди кои клубови би имале привилегија при лотаријата.
Точно 14 клубови кои нема да се пласираат за плејофот, ако сезоната се доигра би имале повеќе топчиња во барабанот при лотаријата за драфтот, во однос на 16-те екипи што ќе се пласираат во доигрувањето за титулата.
Најлошопласираната екипа има 25 посто шанси да добие можност прва да избира на драфтот за 2020 година, а во најлош случај ќе го добие правото да бира четврта по ред.
Во Чикаго требаше да се одржи и таканарелениот Драфт комбинација на кој се тестираат идните НБА ѕвезди, кои ќе учествуваат на драфтот што е планиран за 25. јуни во Бруклин.
Ако сезоната не започне наскоро можно е комплетно да биде пролонгиран и драфтот во Бруклин.
