По одигрувањето на сите четвртфинални натпревари, познати се репрезентациите што ќе се борат за титулата на Светското првенство, а причини за радост имаат и два европски гиганти кои ја продолжуваат традицијата.
Меѓу четирите најдобри на Мундијалот во Катар останаа, Аргентина, Хрватска, Франција и Мароко.
Гаучосите и Коцкестите ќе играат во првото полуфинале кое е закажано за вторник (20 часот), а следниот ден ќе се сретнат Франција и Мароко.
Пред два дена Интер се пофали дека од 1982 година и СП во Шпанија, па до Катар, секогаш имал свој фудбалер што играл во финалето на СП.
https://twitter.com/ronaldmorgan_/status/1601878342818582532?s=20&t=M9texfrbB1z4YHxfq5gIeg
Но, не е само италијанскиот гигант со ваков успех, и германскиот Баерн Минхен од 1982 година постојано има играч што бил дел од финалниот меч за титулата на СП.
Двајца Хрвати играат за овие два тима, Марсело Брозовиќ (Интер) и Јосип Станишиќ (Баерн), Аргентинецот Лаутаро Мартинез е член на Нераѕурите, додека Мароканецот Насер Мазрауи настапува за Баерн.
Највеќе претставници има Франција кои сите настапуваат за Баерн, Дајот Упамекано, Бенжаман Павар, Лукас Ернандез и Кингсли Коман.
