Ѕвездата на Пари сен Жермен, Нејмар, повторно се врати во времето кога играше за Барселона и се потсети на убавите денови поминати во каталонскот гигант. Бразилецот често знае да зборува за деновите поминати на „Камп Ноу“, кога во нападот играше заедно со Лионел Меси и Луис Суарес.
„Одлично се вклопив со Меси, а потоа дојде и Суарес. Тој беше како шлагот на тортата. Беше одлично за сите тројца, но и за Барселона. Меси и јас бевме блиски со Суарес. Станавме неразделни. Точно знаевме што правиме на теренот. Знаевме и да се смееме кога нешто нема да ни успее како што сакаме. Тоа беше големо пријателство. Ми недостасува Барселона затоа што таму играв со Меси и Суарес“, искрено зборува Нејмар.
Бразилецот реши да си оди од „Камп Ноу“ кога за него беа платени рекордни 222 милиони евра од страна на францускиот првак ПСЖ. Моментно Нејмар се подготвува за враќање на теренот, откако поради повреда ги пропушти претходните два месеци.
