Големо внимание во Франција предизвика изјавата на Кристијано Роналдо, во која вели дека првенството на Саудиска Арабија е посилно од француската Лига 1. Голем број на фудбалери, сегашни и поранешни, се јавија со реакција, но сега французите добија нов удар. Фудбалерот кој го направи најскапиот трансфер во историјата, Нејмар, се согласува со Португалецот.
Бразилецот беше платен 222 милиони евра од ПСЖ на Барселона, а потоа продаден за 90 милиони евра на Ал-Хилал.
„Мислам дека саудиската Про лига во овој момент е посилна од француската. Лига 1 има свои позитивни страни. Лигата е силна. Играв во неа, па тоа добро го знам. Сепак, денес во Саудиска Арабија има подобри фудбалери. Саудиска Арабија ме изненади позитивно. Лужето, земјата, градовите, културата … Мислам дека тоа е земја која постојано расте.“ – рече Нејмар.
Бразилскиот интернационалец откако се пресели во Саудиска Арабија во 2023 година, одигра само седум натпревари, пред се поради проблемите со повредите.
