Најскапиот натпревар во фудбалот, како што го нарекуваат финалето од баражот за влез во Премиер лигата, му припадна Нотингем форест.
Клубот кој двапати беше европски првак, а еднаш шампион и на Англија, после цели 23 години се враќа во елитата, затоа и радоста на нивните навивачи е огромна. Историски гледано, местото на Нотингем Форест секако е во Премиер лигата, но попладнево на „Вембли“ имаа и многу среќа.
Прво, затоа што голот за победа од 1-0 беше автогол на противнички играч, и второ затоа што во една спорна ситуација кога најверојатно направија пенал, но судијата Мос и судиите во ВАР собата одлучија дека немало пенал на Хадерсфилд.
Оваа одлука ќе донесе многу контроверзи и коментари, одлуката чини 170 милиони фунти, но едно е јасно, нови премиерлигаши се Шумарите.