Некогашниот репрезентативец на Македонија, Кире Маркоски го постигна единствениот гол на дуелот во Охрид каде екипата на Македонија Ѓорче Петров победи со 1:0, во меч од 16 коло на Втора лига. Маркоски беше прецизен во 76. минута и тоа беше доволно за лидерот да стигне до три бодови.
Башкими киксираше на свој терен против Борец. Башкими водеше со 1:0, но се играше 105 минута кога Борец израмни на 1:1. Брегалница падна на третото место на табелата откако ремизираше без голови на гости кај Победа.
Резултати: Башкими – Борец 1-1, Охрид – Македонија ЃП 0-1, Победа – Брегалница 0-0, Беласица – Арсими 0-1, Вардар Неготино – Осогово 1-0, Каменица Саса – Кожуф 1-1.
Табела: Македонија ЃП 41, Брегалница 34, Башкими 33, Арсими 32, Детонит 26, Скопје 25, Каменица Саса 25, Охрид 24, Кожуф 23…
