Фудбалската репрезентација на Македонија остана на 67-мото место на најновата ФИФА ранг-листа. Победата над Лихтенштајн и ремито против Велс на Македонија ѝ донесоа нови 6.62 поени, но тоа не беше доволно за да напредуваме и сега заостануваме со 0.37 поени зад Албанија, која е на 66-тата позиција.
На врвот од светската ранг-листа останува Аргентина, а Шпанија сега е второпласирана откако ја мина Франција, која падна на третото место. Најголем скок на најновото рангирање има селекцијата на Мјанмар, која напредуваше седум позиции, а најмногу бодови доби Босна и Херцеговина, 24.16.
