Ненад Димитријевиќ и неговата екипа, Милано, загубија со минимални 83-84 од Олимпијакос на домашен терен во најинтересниот меч од Евролигата вечерва. Натпреварот во Милано беше израмнет и неизвесен од првата секунда сè до крајот, а за тоа говори и резултатот по четвртини.
Првиот период заврши нерешено, 19-19, додека вториот им припадна на гостите со 21-22. Интересно, третата и четвртата четвртина завршија со по 23-20 за по една од екипите, па на крајот се покажа дека токму тој половина кош од втората четвртина беше одлучувачки.
Нашиот Нено на паркетот мина 16 минути и 35 секунди, за кои реализира седум поени, на кои додаде и три асистенции.
На останатите вечерни натпревари од Евролигата, Реал Мадрид со 69-80 славеше на гости кај Алба Берлин, Монако го декласира Анадолу Ефес со 94-75, додека Макаби го победи Жалгирис со 95-78.
