Шпанецот Родри го нема на листата на кандидати за фудбалер на сезоната во англиската Премиер лига.
Иако со Родри на теренот, Сити нема пораз повеќе од 15 месеци (од 5 февруари 2023 наваму), сезонава има 7 гола и 9 асистенции, врши голема работа и во одбрана и во напад, сепак тоа не е доволно за шпанскиот играч за врска, кој на Граѓаните им донесе титула во Лигата на шампионите минатата сезона да биде на листата на најдобри, што е изненадување за многумина.
Кандидати за играч на сезоната во Премиер лигата се Фил Фоден, Ерлинг Халанд, Александер Исак, Мартин Одегард, Кол Палмер, Деклан Рајс, Оли Воткинс и Вирџил ван Дајк.
